لەبەردەم هۆڵێکی ئاهەنگگێران
11 کەس هێرشیان کردە سەر پۆلیسی فریاکەوتنی کەرکوک و دەستگیرکران
964+
پەری ساڵح
پۆلیسی کەرکوک لە ئۆپەراسیۆنێکدا دەستگیرکردنی 11 کەسی راگەیاند بە تۆمەتی، هێرشکردنە سەر پۆلیسی فریاکەوتن لە بەردەم هۆڵێکی ئاهەنگگێراندا.
بەپێی راگەیەندراوەکەی پۆلیس، لە هۆڵێکی ئاهەنگگێران و بوک گواستنەوە شەڕێک روویداوە و پۆلیسی فریاکەوتن سەرقاڵی کۆنترۆڵکردنی بوون، بەڵام لەلایەن 11 کەسەوە هێرش دەکرێتە سەر پۆلیس، بۆیان نەچووەتەسەر و لە ماوەی کەمتر لە کاتژمێرێک سەرجەمیان دەستگیرکراون.
پۆلیسی کەرکوک بەپێی مادەی 230 لە یاسای سزادانی عێراقی رەوانەی دادگای کردوون و راگیراون، دڵنیایش دەدەن هاوڵاتیان بە دابینکردنی ئاسایش و رێگەنەدان بە هیچ هێرشێک بۆ هێزە ئەمنییەکان، هاوکات لەلایەن فەرماندەی پۆلسی کەرکوکەوە سکاڵای یاسایینا لەسەر تۆمارکراوە.
