خۆڵبارین لە هەرێمی کوردستان
تەندروستیی عێراق
هەزار و 113 کەس گواسترانەوە نەخۆشخانە
ئەرسەلان عەبدوڵا
وەزارەتی تەندروستیی عێراق ئەمڕۆ ئاشکرای کرد، هەزار و 113 هاوڵاتی بەهۆی تەنگەنەفەسی گواستراونەتەوە نەخۆشخانە و گیانلەدەستدان رووینەداوە.
دەشڵێن، ئەمە بەهۆی ئەو خۆڵبارینە بووە کە بەشێک لە شارەکانی عێراقی گرتەوە.
ئاماژەیان بەوەش کردووە، “حاڵەتەکانی تەنگەنەفەسی لە سووکەوە تا مامناوەند بووە، زۆربەی حاڵەتەکانیش نەخۆشخانە و بنکە تەندروستییەکانیان جێهێشتووە”.
هەر بە گوێرەی راگەیاندراوی وەزارەتی تەندروستیی عێراق، زۆرترین حاڵەتی تەنگەنەفەسبوونەکان لە پارێزگای موسەننا تۆمارکراوە بە 576 حاڵەت، دواتر نەجەف بە 300 حاڵەت و بەغدا بە 200 حاڵەت، هەموو حاڵەتەکانیش خزمەتگوزاری پزیشکی گشتگیریان وەرگرتووە، لەوانە فریاگوزاری و چاودێریی تەندروستی.
دوێنێ شەپۆڵێکی خۆڵبارین بەشێکی شارەکانی عێراقی گرتووە، بەڵام لە هەرێمی کوردستان سووک بوو، زوو تێپەڕی.