لاهور شێخ جەنگی دوای سزادانی:
سەربەرزم و ملکەچی هیچ ئیرادەیەک نەبووم
964+
کاکەلاو عەبدوڵا
لەدوای ئەوەی بە زیاتر لە پێنج ساڵ زیندانی سزادرا، لاهور شێخ جەنگی رایگەیاند، “سەربەرزم و ملکەچی هیچ ئیرادەیەک نەبووم.”
لە پەیجی فەرمی لاهور شێخ جەنگی لە فەیسبووک پۆستێک بەناوی ناوبراوەوە بڵاوکراوەتەوە و تێیدا نوسراوە: سەربەرزم و ملکەچی هیچ ئیرادەیەک نەبووم جگە لە ئیرادەی خۆم و پشتم بە خوای گەورە و گەلی کوردستان بەستووە.
ئەمڕۆ دادگایی لاهور شێخ جەنگی و هاوڕێکانی لە دادگای دووی تاوانەکانی سلێمانی بەڕێوەچوو کە تێیدا لاهور شێخ جەنگی بە پێنج ساڵ و سێ مانگ زیندانی سزادرا.
هاوکات پۆڵاد شێخ جەنگی بە سێ ساڵ و شەش مانگ و رێبوار حامید حاجی غالیش بە دوو ساڵ زیندانی سزادران.