هاتوچۆی سلێمانی چوونی بارهەڵگری بۆ سەیرانگەکان قەدەغەکرد

964+

ئەحمەد مستەفا

هاتوچۆی سلێمانی ئەمڕۆ چوارشەممە 29.4.2026، چوونی بارهەڵگری بۆ سەیرانگەکان لە کاتژمێر 7:00ی بەیانی بۆ 12:00ی شەو قەدەغە کرد و داوای لە مەفرەزەکانی کردووە بڕیارەکە جێبەجێ بکەن.

بەڕێوەبەرایەتی هاتوچۆی سلێمانی ئاگاداری شۆفێری بارهەڵگرەکان دەکات لە پێناو فەراهەم بوونی باری سەلامەتی و روونەدانی کارەساتی هاتوچۆیی و دروستنەبوونی لۆد و قەرەباڵغی لە سەیرانگاکاندا بڕیارەکە جێبەجێ بکەن.

بۆیە، هاتووچۆکردنی سوارڕەوە بارهەڵگرەکان بۆ سەیرانگاکان لە کاتژمێر 7:00 ی بەیانی تاوەکو 12:00ی شەو قەدەغە کرد.

سەرجەم بازگە و مەفرەزەکانی دەرەوەی شار ئەرکی جێبەجێکردنی ئەم بڕیارە دەگرنە ئەستۆ، هاتوچۆی شارەکە دەڵێ، بەهیوای پابەندبوونی شۆفێران و سەلامەتی بۆ هەمووان.

لەپاش رووداوەکەی کەرکوک، وەزارەتی ناوخۆ رێنمایی نارد بۆ شارەکان و لەسەر ئاستی پارێزگاکان و بەتایبەت سلێمانی ژمارەیەک رێکار بەرامبەر ئۆتۆمبێلە بارهەڵگرەکان گیراوەتەبەر.

پێکهێنانی حکومەتە تازەکەی عێراق و بڕیارێکی وەزارەتی ناوخۆ لەسەر بارهەڵگرەکان