تیمەکانی شارەوانی هەولێر شەقامەکان پاکدەکەنەوە

964+

کاکەلاو عەبدوڵا

سەرۆکایەتی شارەوانی هەولێر رایگەیاند، تیمەکانیان ئەو شەقامانەی هەولێریان پاککردەوە کە بەهۆی با بەهێزەکەی بەرەبەیانی ئەمڕۆوە دار و کەلوپەلی ماڵانییان تێدا پەرشوبڵاو بووبووەوە.

شارەوانی هەولێر دەڵێت: با بەهێزەکەی بەرەبەیانی ئەمڕۆ چەندین درەختی سەر شەقامەکانی شکاند و کەلوپەلی ماڵانیشی پەرشوبڵاوکردەوە، بەڵام هەرزوو تیمەکانمان لە بەرێوەبەرایەتی خزمەتگوزاری و ژینگەپارێزی تەواوی ئەو کۆڵان و شەقامە گشتییانەیان لەو پاشماوانە پاککردەوە، ئەمە سەرەڕای ئەوەی ئەمڕۆ هەیینیە و پشوی فەرمی ژینگەپارێزانە.

ئەوەش هاتووە، لەئێستادا تیمەکانی شارەوانی هەولێر سەرقاڵی خاوێنکردنەوەی مەجاری و مەنهۆڵەکانن و لە حاڵەتی ئامادەباشیدان.