بۆنی کلۆر چوار ژنی رەوانەی نەخۆشخانە کرد

964+

هونەر فارس

لە کاتی شۆردنی مەلەوانگەیەک لە قەزای کەلار، بۆنەکە بڵاودەبێتەوە و بەهۆیەوە چوار ژن رەوانەی نەخۆشخانە کراون.

مەلەوانگەکە 30 ژنی تێدا بووە.

964 دەزانێت، چوار ژنەکە تووشی هەناسەتەنگی بوون و ئێستا لەژێر چاودێریدان.

دووان لە ژنەکان لە بیستەکانی تەمەنیاندان و دووانەکەی دیکەش نزیک بە 40 ساڵانن.

رزگار لەتیف وتەبێژی نەخۆشخانەی شەهید هەژار لە کەلار بە 964ـی وت، ئەو چوار ژنەی هێنراونەتە نەخۆشخانە لەژێر ئۆکسجینن و چارەسەری پێویستیان بۆ دەکرێت.

سەرەتا هەواڵەکە وا بڵاوکرایەوە کە تانکیەکی کلۆر تەقیوەتەوە، بەڵام چەند شایەتحاڵێک بە 964یان وت، هیچ شتێک نەتەقیوەتەوە و هۆکارەکە رژاندنی کلۆر بووە.