نرخی نەوت ژمارەیەکی نوێی تۆمار کرد

964+

فەهمی نەبی

نرخی نەوت ژمارەیەکی نوێی تۆمارکرد، بەراورد بە کاتی کردنەوەی بۆرسەی نەوت، هەر بەرمیلێک نەوتی برێنت نزیکەی دۆلارێکی چووەتە سەر.

ئەمڕۆ دوای کردنەوەی بۆرسەی نەوت، نرخی هەر بەرمیلێک نەوت 85 دۆلار و 17 سەنت بوو، بەڵام ئەمشەو ئەو نرخە گۆڕا و بۆ هەر بەرمیلێک نەوت 86 و سێ سەنتە.

هەروەها نرخی بەرمیلێک نەوتی خاوی تەکساس بە 82 دۆلار و 62 سەنتە.

هەینی رابردوو هەر بەرمیلێک نەوتی خاوی برێنت، 83 دۆلار و 80 سەنت بوو، هاوکات نرخی بەرمیلێک نەوتی خاوی تەکساس بە 79 دۆلار و 77 سەنت بوو، لەماوەی هەفتەیەکدا نرخی بەرمیلێک نەوتی برێنت نزیکەی سێ دۆلار بەرز بووەتەوە.

شارەزاییانی بواری وزە هۆکاری بەرزبوونەوەی نرخی نەوت بۆ زۆربوونی خواست لەسەر نەوت دەگەڕێتەوە.