وادەی وەرگرتنی گەنمی جوتیاران دواخرا

964+

فەرمان سادق

وەرگرتنی گەنمی جوتیاران دواخرا و وەزارەتی بازرگانیش دەڵێت: هۆکارەکەی تەکنیکییە.

ئەگەرچی بڕیاری ئەوە دراوبوو کە سبەی پێنجشەممە 25.5.2023 لە کوردستان دەرگای سایلۆکان بە رووی گەنمی جوتیاران بکرێتەوە، بەڵام وەزارەتی بازرگانی حکومەتی هەرێمی کوردستان دەڵێت، وادەکەی دواخرا.

کەمیك پێش ئێستا وەزارەتی بازرگانی و پیشەسازی رایگەیاند، بە هۆکارێکی تەکنیکی و نەگەیشتنی سیدی لەلایەن وەزارەتی بازرگانی عێراقی فیدڕاڵ بۆ سایلۆکانی هەرێمی کوردستان کە بڕیار بوو رۆژی پێنجشەممە 25.5.2023 گەنم لە سایلۆکان وەربگیردرێت، وادەکەی بۆ رۆژی شەممەی داهاتوو 27.5.2023 دواخرا.