نرخى نەوت دابەزى؛ نرخى هەر بەرمیلێک لەبن 97 دۆلارە

وریا فەتاح

ئەمڕۆ پێنجشەممە 4.6.2026، لەگەڵ کردنەوەی بازاڕی جیهانیی نەوتدا، نرخی فرۆشتنی بەرمیلێک نەوتی خاوی برێنت لەبن 97 دۆلارە و بەراورد بە دوێنێ دابەزیوە.

بە دیاری کراوی لەگەڵ کردنەوەی بازاڕە جیهانییەکانی نەوت برێنت دابەزینى بەخۆوە بینیوە لە چاو دوێنێدا و نرخی هەر بەرمیلێکی گەیشتووەتە 96.91 دۆلار و هەرچی نرخی نەوتی تەکساسیشە بەرمیلی بە 95.22 دۆلار مامەڵەی پێوە دەکرێت.

شارەزایانی بازاڕی وزە هۆکاری ناجێگیری و گۆڕانکارییەکانی ئەم دواییەی نرخی نەوت بۆ ئەو قسەوباسانە دەگەڕێننەوە کە چەند رۆژێکە سەبارەت بە ئەگەری رێککەوتنێکی نوێ لە نێوان ئەمریکا و ئێران هاتووەتە ئاراوە، کە هەر پێشوەچوونێک یان پاشەکشەیەک لەو پرسەدا، راستەوخۆ کار دەکاتە سەر بەرزبوونەوە یان دابەزینی نرخەکان لە بازاڕی جیهانیدا.