"دائیمەن ماستی دەشتی هەولێر بەناوبانگ بووە"
ماستی مەڕە کەڕە و مەڕە کۆرە لە فێستیڤاڵی خوێندکارانی پەیمانگای تەکنیکی
964+
عەبدولعەزیز خالند – هەولێر
خوێندکارانی پەیمانگای تەکنیکی کارگێڕی هەولێر فێستیڤاڵێکیان بۆ نمایشکردنی بەرهەمە خۆماڵییەکان رێکخستووە و یەکێک لەو بەرهەمانەش ماستی مەڕە کەڕە و مەڕە کۆرەیە کە لە دەشتی هەولێر بەناوبانگن.
ئارام تەحسین خوێندکاری پەیمانگاکە باسی ئەو دوو ماستەی بۆ 964 کرد و وتی، “ناوی ئەو دوو ماستە لە باوباپیرانمانەوە بۆمان ماوەتەوە و دائیمەن ماستی دەشتی هەولێرێ بەناوبانگ بووە، بە حوکمی ئەوەی گیاوگۆر و مەڕداری زۆرە”.
“ماستی مەڕی چەندی بکوڵێ، سەرتوێی زیاتر دەبێ و تام و چێژیشی پەیوەندی بە لێزانین و لێهاتوویی ئەو کابانەوە هەیە کە دروستی دەکات”، ئارام تەحسین وای وت.
ئاماژەی بەوەشکرد، هەندێک کەس فێڵ دەکەن و دەرمان یان شیشی گەڕم دەخەنە ناو شیرەکە، بۆ ئەوەی ماستەکە تام سۆی لێ بێ و بۆنی ماستی مەڕی بدات.
پێداچوونەوە؛ شۆڕش قادری
