حەرەمی ئەنجومەنی باڵای دادوەری عێراق - وێنە: ئاژانسەکان
ئەی دەستوەردانی دەرەکی؟
ئەنجومەنی دادوەری بۆ لایەنەکان؛ ئاگاداری وادەی دەستووری بن
964+
ئەحمەد مستەفا
ئەنجومەنی باڵای دادوەریی عێراق، وەک بڵێێ خەمی ماوە دەستووریەکانیەتی و داوا لە تەواوی هێزە سیاسییەکان دەکات پابەندی کات بن بۆ یەکلاکردنیەوەی پۆستە باڵاکان و رێگری لە هەر جۆرە دەستوەردانێکی دەرەکی بکەن.
ئەمڕۆ پێنجشەممە 29.1.2026، راگەیاندنی ئەنجومەنی باڵای دادوەری لە بەیاننامەیەکدا بڵاویکردەوە، ئەنجومەنەکە بە سەرۆکایەتی دادوەر فایق زەیدان، سەرۆکی دادگای تێهەڵچوونەوەی فیدراڵی و ئەنجومەنی باڵای دادوەری کۆبووەتەوە.
ئەنجومەنەکە جەختی لە گرنگی پابەندبوون بەو کات و وادە دەستوورییانە کردووەتەوە، کە دیاریکراون بۆ تەواوکردنی رێکارەکانی دەستنیشانکردنی “سەرۆک کۆمار” و “سەرۆک وەزیران”.
هەروەک وتوویەتی، نابێت ئەم وادانە تێپەڕێندرێن یان پێشێل بکرێن، وە دەبێ رێز لەو وادانە بگرن لە پێناو پاراستنی سەقامگیریی سیاسی و پرۆسەی دیموکراسی لە وڵاتدا و مانەوەی رێکارەکان لە چوارچێوەی دەستووری و یاساییدا و رێگریکردن لە هەر جۆرە دەستوەردانێکی دەرەکی.
