زیاتر لە 320 هەزار كەس سەردانی نەخۆشخانەی شاریان كردووە

964+

شۆڕش قادری

ساڵی رابردوو زیاتر لە 320 هەزار كەس سەردانی نەخۆشخانەی شاریان كردووە و 68 هەزار و 666 نەخۆشیش داخلی نەخۆشخانەکە کراون.

بەپێی ئاماری بەڕێوبەرایەتی گشتی تەندروستی سلێمانی، تەنیا ساڵی رابردوو 320 هەزار و 137 کەس سەردانی نەخۆشخانەی شاریان كردووە، لەو ژمارەیە 238 هەزار و 772ـیان  چوونەتە بەشی فریاكەوتن و 69 هەزار و 632 کەسیشیان سەردانی بەشی ئۆپی دی یان كردووە و چارەسەری پێویستیان بۆ كراوە.

ساڵی رابردوو لە نەخۆشخانەی شار 68 هەزار و 666 نەخۆش داخڵ كراون، لەو ژمارەیە 20 هەزار و 548 نەخۆش لە بەشی فریاكەوتن، 10 هەزار و 790 نەخۆش لەبەشی گورچیلەی دەستكرد، هەشت هەزار و 233 نەخۆش لەبەشی نەشتەرگەری، هەشت هەزار و 644 نەخۆش لەبەشی هەناوی و پێنج هەزار و 687 نەخۆشیش لەبەشی شكاوی بوون.

هەر لە ماوەی ساڵی رابردوودا 14 هەزار و 240 نەشتەرگەری جۆراوجۆر لە نەخۆشخانەی شار ئەنجام دراون، 10 هەزار و 459 تیشک گیراون، هەروەها 41 هەزار و 615 سۆنەر 871 هەزار و 590 شیكاری تاقیگەیی و 23 هەزار و 829 هێڵكاری دڵ و سێ هەزار و 646 ئیكۆ و حەوت هەزار و 855 چارەسەری سروشتی ئەنجام دراون.

رۆژانە نزیکەی 900 نەخۆش سەردانی نەخۆشخانەی شاریان لە سلێمانی كردووە

نەخۆشخانەی شار سیستمی بەرککەوتنی بەکۆمەڵ چالاک دەکات