"بۆ سەر قەبرانیش دیاری دەبەن"
گوڵفرۆشەکانی عەنکاوە سەرقاڵی ئامادەکردنی دیارییەکانن بۆ بابەنوئێل
964+
ئەحمەد شەمزین – هەولێر
لە جەژنی کریسمسدا کریستیانەکان گوڵ و دیاری بۆ منداڵان دەکڕن و تەنانەت بۆ سەر قەبرانیش دیاری دەبەن.
ساكین ئیسماعیل گوڵفرۆشە لە قەزای عەنکاوە، بەم درەنگانی شەوە خەریکی پێچانەوەی دیارییەکانە و بە 964ـی وت، “دیارییەکان بۆ بابانوئێل ئامادە دەکەین، ئەو بەسەر هاوڵاتیاندا دابەشی دەکات و ئەوانیش پێشەکشی خزم و کەسوکاریان دەکەن”.
“هاوڵاتیان دیاری بۆ کەنیسە و سەرقەبرانیش دەبەن”، ساكین ئیسماعیل وادەڵێت.
ئاماژەی بەوەشکرد، هەموو فرۆشگاكانی عەنكاوە وەک ئەوان سەریان قاڵە و هاوڵاتیان بۆ کڕینی گوڵ و دیارییەکان روویان تێدەکەن.
پێداچوونەوە؛ شۆڕش قادری
عەنکاوە وەک هەمو ساڵێک دەستی کرد بە ئامادەکاری بۆ سەری ساڵ
