لە قەل و مریشکەوە دزی تا گەیشتە ماڵی خاوەن پێداویستییەکەی تایبەت

شۆڕش قادری

لە گەرمیان دزێکی نالەبار لە قەل و مریشکەوە هەمووی کۆکردنەوە تا گەیشتە ماڵی خاوەن پێداویستییەکی تایبەت، بەڵام دواجار کەوتە داوی پۆلیسەوە و دەستگیر کرا.

بەڕێوەبەرایەتی پۆلیسی گەرمیان لە راگەیەنراوێکدا دەڵێت، “دوای سکاڵای چەند هاوڵاتییەک و ئاگادارکردنەوەمان لەچەندین حاڵەتی دزیکردنی جۆراوجۆر لەنێو قەزای کەلار، پۆلیسی بەشی نەهێشتنی تاوان توانیان تۆمەتبارێک دەستگیر بکەن”.

لە لێکۆڵینەوەکاندا تۆمەتبار دانی بەوەدا ناوە کە چەند حاڵەتێکی دزیکردنی ئەنجامداوە لەوانەش؛

1_ قەل و مریشک

2 _ سندوقە میوە و تەماتەی دەستگێڕان

3 _ کێبل و وایەری خانووی هەیکەل

4 _ ماتۆڕسکیل

5 _ ماتۆڕی ئاوی ماڵان

6 _ مەوادی کارەبایی

7 _ عارەبانەی دەستی

8 _ دزیکردن لە ماڵی خاوەن پێداویستی تایبەت

لەئێستادا تۆمەتبار بەبڕیاری دادوەر و بەپێی مادەی 446 لە یاسای سزادانی عێراقی راگیراوە و لێکۆڵینەوە لەگەڵی بەردەوامە.