میدیای یەکێتی دانپێدانانی چەند کەسێکی بڵاوکردەوە
"پلان دانراوە بە قەناس و درۆن بافڵ تاڵەبانی بکوژن"
میدیای یەکێتی دانپێدانانی چەند کەسێکی بڵاوکردەوە
964+
ژووری هەواڵ
میدیای یەکێتی ڤیدیۆی چەند کەسێکی بڵاوکردووەتەوە و دەڵێت، سەر بە لالەزارن و پلانیان داناوە بۆ کوشتنی بافڵ تاڵەبانی، پوختەی دانپیادانانەکەیان ئەمە بوو:
– لاهور شێخ جەنگی و ئەژی ئەمین و پۆڵاد تاڵەبانی و رێبوار حامید حاجی غالی وەک پلانداڕێژەر ناویان هاتووە.
-ویستویانە بە قەناس و درۆن بافڵ تاڵەبانی بکوژن.
-پلانیان هەبووە قوباد تاڵەبانی دەستگیربکەن، ئەگەر نەیانتوانی بیکوژن.
-لە نزیک دەباشان سێ شوققە دابینکراوە لەوێ کامێرای چاودێرییان داناوە بۆ ماڵی بافڵ تاڵەبانی.
-پلانیان هەبووە بە دوو قەناس لە بافڵ تاڵەبانی بدەن.
-پلانیان هەبووە بە درۆن لە دەروازەو شوێنە هەستیارەکانی ماڵەکەی بافڵ تاڵەبانی بدرێت.
-بە ئۆتۆمبێلێکی ژمارە زێرەڤانی بەشێک لە بەشداربووانی پلانەکە گواستراوەتەوە.
-لە هەورازە نەفتە لە هەولێر راهێنانیان کردووە و لەوێ کارگەی دروستکردنی درۆن هەیە.
-چەکی چیچانی ئامادەکراوە بۆ هێرش.
– درۆنی ئۆکرانی ئامادەکراوە.
-چەند کەسێک نێردراوە بۆ ئۆکرانیا بۆ راهێنان.
-ویستویانە کودەتا بکەن و دەست بگرن بەسەر دەباشاندا.
شەوی 21 لەسەر 22ـی ئەم مانگە هێزە ئەمنییەکانی یەکێتی لە سلێمانی هێرشیان کردەسەر هۆتێل لالەزار شوێنی مانەوەی لاهور شێخ جەنگی سەرۆکی بەرەی گەل و دوای سێ کاتژمێر لە شەڕ و رووبەڕووبوونەوە، لاهۆر شێخ جەنگی و چەند کەسێکی نزیکی دەستگیر کران.
بەشێک لە ماڵەکانی لالەزار بە تۆپ لێیاندراوە
