پارێزگای هەولێر:
80%ـی کارەکانی نەخۆشخانەی شێرپەنجەی هەولێر تەواو بووە
964+
کاکەلاو عەبدوڵا
پارێزگای هەولێر رایگەیاند، 80%ـی کارەکانی نەخۆشخانەی شێرپەنجەی هەولێر تەواوبووە و پڕۆژەکە چووەتە قۆناغی کۆتایی جێبەجێکردن.
پارێزگای هەولێر دەڵێت، نەخۆشخانە 150 قەرەوێڵەییەکە بەشێوازێکی هاوچەرخ دیزاینکراوە و توانای پێشوازیکردنی لە نزیکەی هەزار نەخۆش لە رۆژێکدا هەیە.
ئەوەش هاتووە، نەخۆشخانەکە ئامێر و پێداویستییە پزیشکییە پێشکەوتووەکان و خزمەتگوزارییەکانی چارەسەری کیمیایی، تیشکی، سەنتەری تیشکی لیناک و فریاکەوتن لەخۆدەگرێت.
لە ئەیلولی ساڵی 2024 بەردی بناغەی نەخۆشخانەکە لەلایەن مەسرور بارزانی، سەرۆکی حکومەتی هەرێمەوە دانرا کە لەسەر رووبەری 30 هەزار مەتر دووجا بە تێچووی 165 ملیار دینار دروست کراوە.