زیاتر لە 700 مین و تەقەمەنیان تێدابووە
لە پێنجوێن دوو کێڵگەی مین پاککرانەوە و رادەستی خاوەنەکانیان کرانەوە
964+
کامیار کەمال – پێنجوێن
لە گوندی کەژانی قەزای پێنجوێن دوو کێڵگەی مین بە تەواوی پاککرانەوە و رادەستی خاوەنەکانیان کرانەوە.
محەمەد ئیبراهیم سەرۆکی تیمی مینلابەری دەستی پێنجوێن بە 964ـی وت، کێلگەی مینی شێخەکوژراو کە دوو پارچە زەوییە و لای ئەوان ناویان B6 – B7ـە بەتەواوەتی پاککراونەتەوە و هیچ مەترسییەکیان لەسەر نەماوە.
رووبەری کێڵگەکە 76 هەزار و 512 مەتر دووجایە، لە ئێستاشدا کە هیچ مینێکی تێدا نەماوە، خوا دایناوە بۆ کشتوکاڵ و بەرهەمهێنانی بەرووبوومی خۆماڵی، بۆیە دەزگای مین رادەستی خاوەنەکانی کردەوە.
بەقسەی محەمەد ئیبراهیم زیاتر لە 700 مین پاشماوەی تەقەمەنی جەنگی لەو کێڵگەیە کۆکراونەتەوە و لەناوبراون.
لە یەک مانگی رابردوودا، دەزگای مین لە پێنجوێن سێ جار پڕۆسەی لەناوبردن و تەقاندنەوەی مین و پاشماوەی جەنگی ئەنجامداوە و نزیکەی هەزار پارچە مین و تەقەمەنیان لەناوبردووە.
پێداچوونەوە؛ شۆڕش قادری
لە پێنجوێن پێشمەرگەیەک مین پیایدا تەقییەوە و گیانی لەدەست دا
