لە سلێمانی
خانەنشینان بۆ وەرگرتنی موچە لە گەرما و قەرەباڵغی بێزارن
964+
دیلان محەمەد – سلێمانی
خانەنشینانی پێشمەرگە لە سلێمانی لەبەر گەرما موچەکانیان وەردەگرن و لە دۆخێکی خراپدان.
یەکێک لەو خانەنشینانە لە بەردەم بنكەی چواری سەر بە خانەنشینی پێشمەرگە قسەی بۆ پەیامنێری 964 کرد و دەڵێت، “لە کاتژمێر 8:00ـی بەیانییەوە لێرەم و تا ئێستا لە چاوەڕوانیدام، دوای 35 ساڵ ئەوە حاڵمانە، ئێمە ئازادیمان نەبینی، تاڵیمان چەشت”
بەشێک لە خانەنشینان لە کاتژمێر 4:00ـی بەیانییەوە لە بەردەم بانکەکەن و چاوەڕێی موچە دەکەن، موچەکەش لە کاتژمێر 11:00 گەیشتووە و لە 14:45 خولەکەوە دەستکراوە بە دابەشکردنی، ئەمەش وایکردووە لۆد و قەرەباڵغییەکی زۆر دروست ببێت و خانەنشینان بێ ئاو و سێبەر لە سەرەدا بوەستن.
پێداچوونەوە: ژێوار خدر
