تەرمەکەی دۆزرایەوە
ئەو گەنجەی لە کاولۆکان دیار نەمابوو خنکاوە
964+
ئاکام غەفوور – سۆران
ئەو گەنجەی لە وێری کاولۆکان دیار نەمابوو خنکاوە و تەرمەکەی دۆزرایەوە.
ئێوارەی ئەمڕۆ هەینی 14.8.2026 لە وێری کاولۆکان، گەنجێک لەکاتی مەلەکردن بێسەروشوێن بوو و خەڵکی خۆبەخش و تیمەکانی بەرگری شارستانی هەرزوو دەستیانکرد بە گەڕان بەدوایدا.
کەمێک پێش ئێستا رەوەند هاودیانی وتەبێژی بەرگری شارستانی سۆران بە 964ـی وت، “تەرمی ئەو گەنجە لەلایەن تیمەکانمان دۆزراوەتەوە و بەڕێدەکرێت بۆ پزیشکی دادیی سۆران”.
ئەو گەنجە تەمەنی 26 ساڵ و خەڵکی رواندز بوو، لەگەڵ هاوڕێیەکی بۆ مەلەکردن چووبوونە سەر وێری کاولۆکان.
وێر لە پۆند بچووکترە و لەسەر رووبارەکان بۆ گلدانەوەی ئاو دروست دەکرێت.
پێداچوونەوە؛ شۆڕش قادری