لە ڤێستیڤاڵی بەرهەمە خۆماڵییەکاندا؛ سرکەی بەرهەمە کوردییەکان جێى سەرنجە

دیلان محەمەد- سلیمانى

لە پارکی ئازادی شاری سلێمانی و لەناو ڤیستیڤاڵی بە بازاڕکردنی بەرهەمە خۆماڵییەکاندا، دوو خانمی دەستڕەنگین بەرهەمەکانیان نمایش کردووە کە سەرنجی زۆری سەردانکەرانی بەلای خۆیدا راکێشاوە.

ئەم دوو خانمە بە بەهرەی خۆیان و بە سود وەرگرتن لە بەروبوومی باخەکانی هەڵەبجە و مێرگەپان، چەندین جۆر سرکەی سروشتییان لە ترێ و سێو و هەنار بەرهەم هێناوە.

ئەم خانمە دەستڕەنگینانە، باس لەوە دەکەن کە سرکەکانیان بە شێوازێکی تەندروست و خاوێن بەرهەم دەهێنن و هیچ ماددەیەکی کیمیاییان تێدا بەکارناهێنن.

بە وتەی خۆیان، سرکەکانیان چەندین سودی تەندروستی هەیە، بەتایبەتی بۆ دابەزاندنی کێش و چالاککردنی کرداری هەرس.

پێداچوونەوە: وریا فەتاح