شێخان
ئۆتۆمبێلی پێشمەرگەیەک سووتا
964+
شڤان عەبدوڵا – زاخۆ
دوای نیوەرۆی ئەمرۆ لەسەر جادەی شێخان بۆ بەدریک، ئۆتۆمبێلێکی پێشمەرگەیەک گڕی گرت و بەتەواوەتی سووتا.
شایەتحالێک لە شوێنی رووداوەکە بە 964ـی وت، پێشمەرگەکان لەدەوامەوە بەرەو ماڵ بەرێگاوەبوون، کاتێک ئاگر لە بەشی پێشەوەی ئۆتۆمبێلەکە سەریهەڵدا یەکسەر ئۆتۆمبێلەکەیان راگرت و بەسەلامەت دەرچوون.
سەرچاوەیەک لە بەرگری شارستانی دهۆک بە 964ـی راگەیاند، شوێنی رووداوەکە ئەلقۆشە و لەرووی ئیدارییەوە سەر بە پارێزگای موسڵە، زۆر دوور بووین لە رووداوەکە، بۆیە نەمانتوانی بگەینە شوێنەکە و ئاگرەکە کۆنتڕۆڵ بکەین.
پێداچوونەوە: ژێوار خدر