پێشانگای نێودەوڵەتیی كتێب لە هەولێر دەستی پێكرد

964+

ژووری هەواڵ

17ـەمین پێشانگای نێودەوڵەتی هەولێر بۆ کتێب دەستی پێكرد و خوێنەرانی كتێب پەیتا پەپتا روو لە ناوەندەكانی چاپ و بڵاوكردنەوە دەكەن، زیاتر لە ملیۆنێك ناونیشانی كتێبیش نمایش كراوە.

ئه‌مڕۆ چوارشەممە 9.3.2025، 17مەین پێشانگای نێودەوڵەتی هەولێر بۆ کتێب له‌ شوێنی پێشانگای نێوده‌وڵه‌تی له‌ پاركی سامی عه‌بدولڕه‌حمان دەستی بە كارەكانی كرد و تا 19ی ئەم مانگە بەردەوام دەبێت.

لە پێشانگاکەدا 250 ناوەندى چاپ و بڵاوکردنەوە بە زیاتر لە یەک ملیۆن ناونیشان بەشدارییان كردووە و كتێب بە هەموو زمانە زیندووەكان بەردەست دەبێت.

هاوشێوەی ساڵانی رابردووش تۆڕی 964 هاوبه‌شی سه‌ره‌كیی میدیایی پێشانگاكه‌یه‌ و له‌ هه‌مان كاتدا سته‌یجی تایبه‌ت به‌ خۆی هەیە و بڕیاره‌ رووماڵێكی به‌رفراوانی كاره‌كانی پێشانگاكه‌كه‌ بكات، جگە لەوە نێردراوى 964 لە پێشەنگاکە پرسیار ئاراستەى میوانانى پێشەنگاکە دەکات، هەرکەس زانى کتێب بە خەڵات وەردەگرێت.

لە پێشانگاکەدا چەندین بۆنەی رۆشنبیری و کۆنسێرت و ئێوارە شیعر و پانێل و سیمینار بەڕێوەدەچن.

پێشانگە لە ژێر ناونیشانی “جیهان بە كوردی دەدوێت” رۆژانە لە کاتژمێر 10ـى بەیانى بۆ 8ـى ئێوارە، پێشوازى لە میوانان و ئەهلى کتێب دەکات.

پێشانگای نێودەوڵەتیی هەولێر بۆ کتێب، پێشانگایەکی ساڵانەیە و دەزگای مەدا ئەنجامی دەدات.

دواى 25 ساڵ كتێبێك چاپ دەکرێتەوە و لە پێشانگای نێودەوڵەتیی هەولێر ئامادە دەكرێت