دیمەنێک لە یارییەکە فۆتۆ: پەیجی یانەی هەولێر
“هه‌ولێر” گازی باشووری سووتاند
964+
ئه‌رسه‌لان عه‌بدوڵڵا – هه‌ولێر
له یارییه‌كانی خولی باله‌ی نایابی عێراق، یانه‌ی هه‌ولێر بردنه‌وه‌یه‌كی گرنگی تۆمار كرد و له یانه‌ی گازی باشووری برده‌وه.
یارییه‌كه ئه‌مڕۆ چوارشه‌ممه 8ی شوبات، له به‌غدا و له گه‌ڕی سێیه‌می گردبوونەوەی دووەمی قۆناغی هەشتی خولی نایابی عێڕاق بۆ تۆپی بالە ئه‌نجام درا، تێیدا یانه‌ی هه‌ولێر یارییه‌كه‌ی به 3-1 گێم له یانه‌ی گازی باشوور برده‌وه.
ئه‌نجامی گێمه‌كان بۆ تیپه‌كه‌ی قه‌لا و مناره (25-22، 26-24، 24-26، 25-19) بوو.
هاوكات ئه‌مه یه‌كه‌م دۆڕان بوو بۆ یانه‌ی گازی باشوور له قۆناغی هه‌شتی خوله‌كه‌دا.
گردبوونه‌وه‌ی دووه‌م له قۆناغی هه‌شتی خولی نایابی باله‌ی عێراق له به‌غدا به‌ڕێوه‌ده‌چێت، دوای ئه‌وه‌ی گردبوونه‌وه‌ی یه‌كه‌م له هه‌ولێر كرا.
هه‌ر له یارییه‌كانی گه‌ڕی سێیه‌مدا، مه‌سافی شیمال به 3-1 گێم له به‌حریی برده‌وه، هه‌روه‌ها شوڕته به 3-0 گێم له حه‌بانییه‌ی برده‌وه، هه‌روه‌ها پێشمه‌رگه به 3-0 گێم له جه‌یشی برده‌وه.
به پێی سیستمی خوله‌كه، به كۆتاهاتنی قۆناغی هه‌شت، چوار یانه بۆ قۆناغی پێش كۆتایی سه‌رده‌كه‌ون.