ئاوارەكانی كەمپی باریكە
بەبۆنەی ئازادیی سوریا لە عەربەت شیرینییان بەخشییەوە
+964
دیلان محەمەد جەزا
ئاوارەکانی کەمپی باریکە سەردانی بازاڕی ناحیەی عەربەتیان کرد و شیرینیان بەخشیەوە بەبۆنەی ئازادکردنی سوریاوە.
بانو نەبەز مامۆستای سەرپەرشتیار بە 964 وت، ئەمڕۆ هاتوونەتە بازاری ناحیەی عەربەت، قوتابیەکانیان شیرینیان هێناوە و بەسەر کاسبکاران و هاوڵاتیانی ناحیەكەدا دەیبەخشنەوە، ئەمەش وەك خۆشیدەربڕین بەبۆنەی ئازادکردنی سوریاوە.
باسی لەوەش کرد، دڵخۆشن بە ئازادکردنی وڵاتەکەیان و هەندێکیان دەیانەوێت بگەڕێنەوە بۆ زێدی خۆیان.
964 چەند قوتابییەكی ئاوارەی دواند و ئەوانیش رایانگەیاند، حەزدەكەن بگەڕێنەوە وڵاتەكەیان، بە تایبەتی ئەگەر بارودۆخەكە لەبار بێت و ئارام بێت.
كەمپی باریكە لە ناحیەی عەربەت تایبەتە بە ئاوارەكانی رۆژئاوای كوردستان، دوو هەزار و 300 خێزان لە كەمپەكەدان و 10 ساڵ پێش ئێستا دروست كراوە.
پێداچوونەوە: ئەرسەلان عەبدوڵا
