شەفافیەت: داهاتمان لە هەفتەیەکدا شەش ملیار دیناری تێپەڕاند

ئەحمەد مستەفا

داهاتی نانەوتیی یەك هەفتەی سنووری پارێزگاكانی سلێمانی، هەڵەبجە، ئیدارەكانی گەرمیان و راپەڕین زیاتر لە 6  ملیار دینار بووە.

ئەمڕۆ هەینی 19.6.2026، سایتی شەفافیەت کە تایبەتە بە چاودێری و رێکخستنی داهاتە نانەوتییەکانی پارێزگاکانی سلێمانی و هەڵەبجە و ئیدارەکانی راپەڕین و گەرمیان، ئاماری نوێی داهاتی یەک هەفتەی رابردووی بڵاوکردەوە.

کۆی داهاتی نانەوتیی کۆکراوە لەو ناوچانە لە ماوەی هەفتەی رابردوودا گەیشتووەتە شەش ملیار و 605 ملیۆن و 339 هەزار و 432 دینار.

لە راپۆرتەکەدا وردەکاریی جۆری وەرگرتنی داهاتەکان روونکراوەتەوە، بە جۆرێک کە زۆرینەی داهاتەکە کە رێژەی %91 پێکدەهێنێت بەشێوەی نەختینە “کاش” بووە، لە کاتێکدا تەنیا %9ی کۆی داهاتەکە بەشێوەی چەک تۆمار کراوە