"لەکاتی لەوەڕاندنی مەڕوماڵات"
مێردمنداڵێکی تەمەن 13 ساڵان کەوتنە ناو پڕۆژەی ئاوی خوماتوو و خنکا
سیروان خورشید – دوزخورماتوو
بەیانی ئەمڕۆ لەنزیک گوندی خدرەلی لەسنووری قەزای خورماتوو مێردمنداڵێک لەکاتی لەوەڕاندنی مەڕوماڵاتدا کەوتەنێو پڕۆژەی ئاوی قەزاکەوە و خنکا و دوای کاتژمێرێک تەرمەکەی دەرهێنرا.
یاسر ئەیاد، مامی مێردمنداڵەکە بە964ـی وت،” کوڕەکەمان تەمەنی 13 ساڵ بوو و لەکاتی لەوەڕاندنی مەڕوماڵات نزیک بووەتەوە لە پڕۆژە ئاوەکە، کاتێک ویستوویەتی دەموچاوی بشوات، پێی خزاوە و کەوتووەتە ناو ئاوەکەوە و خنکاوە.
وتیشی، دوای رووداوەکە خەڵکی ناوچەکە دەستیان بە گەڕان کردووە و پاش نزیکەی کاتژمێرێک توانراوە تەرمەکەی بدۆزنەوە و دوای دۆزینەوەی تەرمەکەی رەوانەی نەخۆشخانەی گشتی خورماتوو کراوە.
مێردمنداڵەکە تەمەنی 13 ساڵە و لەرەگەزی نێرە دانشتووی گوندی خدروەلیە لەسنووری قەزای خورماتوو.
پێداچوونەوە: ژێوار خدر