لۆگۆی وەزارەتی دارایی
هەرسێ مانگەکە دراوەتە وەزارەتی دارایی عێراق
لیستی موچەی مانگی 12 رادەستی بەغدا کرا
964+
توانا نەقی
لیستی موچەی مانگی کانونی یەکەمی فەرمانبەرانی هەرێمی کوردستان رادەستی وەزارەتی دارایی حکومەتی فیدراڵ کرا و بەمەوە واتە لیستی هەرسێ مانگی 10 و 11 و 12 رادەستی بەغدا کراوە. .
ئەمڕۆ دووشەممە، وەزارەتی دارایی هەرێم بڵاویکردەوە، ئەمڕؤ لیستی موچەی مانگی 12ـەی موچەخۆرانی هەرێم لەلایەن نوێنەری وەزارەتی دارایی هەرێمەوە رادەستی وەزارەتی دارایی عێراق کراوە.
هەرچەندە بەغدا بۆ موچەی مانگی 10 بڕەپارەیەک کە 761 ملیار دینارە ناردوویەتی بەڵام هێشتا دەستنەکراوە بە دابەشکردنی موچە.
ئێستا لەلایەن وەزارەتی دارایی هەرێمەوە لیستی موچەی مانگەکانی 10 و 11 و 12 رادەستی وەزارەتی دارایی عێراق کراون بەڵام هێشتا نە هیچیان دابەشکراون و نە چارەنوسیشیان دیارە.
