کارمەندێکی کۆمیسیۆنی هەڵبژاردنەکانی سلێمانی لەکاتی نوێکردنەوەی کارتی دەنگدانی هاوڵاتییەک. فۆتۆ: کۆمیسیۆنی هەڵبژاردنەکانی سلێمانی
لە هەفتەی داهاتووەوە
کۆمسیۆن دەست دەکاتەوە بە دابەشکردنی کارتی دەنگدان
964+
توانا نەقی
کۆمسیۆن دووبارە دەست دەکاتەوە بە پرۆسەی تۆماری بایۆمەتری و نوێکردنەوەی داتای دەنگدەران و وەرگرتنەوەی پەنجەمۆری ئەو دەنگدەرانەی پەنجەیان نەیخوێندووەتەوە لە کاتی دەنگداندا.
ئەمڕۆ پێنجشەممە لقی هەولێری کۆمسیۆنی باڵای هەڵبژاردنەکان بڵاویکردەوە، جگە لە دەست پێکردنەوەی پرۆسەی تۆماری بایۆمەتری کارتی هەڵبژاردنیش بەسەر ئەو دەنگدەرانەدا دابەش دەکەن کە کارتەکانیان وەرنەگرتووەتەوە.
دەشڵێت، سەردانی نزیکترین بنکەی تۆمارکردنی بکەن لە کاتژمێر 8:00ـی بەیانی تاوەکو 3:00ـی پاش نیوەڕۆ لە رۆژی یەکشەممەی داهاتوو تاوەکو پێنجشەممە لەگەڵ بەڵگەنامەی فەرمی.
رۆژی 20.10.2024 هەڵبژاردنی پەرلەمانی کوردستان بەڕێوەچوو، زۆرێک لە هاڵاتیان پەنجەمۆریان نەیدەخوێندەوە و بەشێکیش کارتەکانیان وەرنەگرتبووەوە.
