دیمەنی کۆمەڵێک مین وێنە: سۆشیاڵ میدیا
مەترسن چالاکی بەڕێوەبەرایەتی گشتی کاروباری مینی هەولێرە
دانیشتووانی قەزای مێرگەسۆر بەیانی گوێبیستی تەقینەوە دەبن
964+
ژێوار خدر
ئەگەر بەیانی دەنگێکی گەورەتان لە سنووری قەزای مێرگەسۆر بیست مەترسن، چونکە تیمی لەناوبردنی تەقەمەنیەکانی بەڕێوەبەرایەتی گشتی کاروباری مینی هەولێر، لە چالاکییەکدا کۆمەڵێک مین لەناو دەبەن.
ئەمڕۆ چوارشەممە 13.11.2024، بەڕیوەبەرایەتی کاروباری مینی هەولێر ئاگاداری دانیشتوانی قەزای مێرگەسۆر، سۆران، ناحیەی مەزنێ و گوندەکانی دەوروبەری کردەوە، کە بەیانی پێنجشەممە 14.11.2024، لەلایەن تیمی لەناوبردنی تەقەمەنیەکانی بەڕێوەبەرایەتی گشتی کاروباری مینی هەولێرەوە لە چالاکیەکی لەناوبردندا، لەکێڵگەمینی سەری قەلەندەر لە چیای قەلەندەر، 195 مین لەناودەبرێن.
دەشڵێت، دەنگی تەقینەوەکە بەرز دەبێت، بۆیە لەکاتی بیستنی دەنگەکەیدا نیگەران مەبن مەترسن.
