لە سنووری شێخان
سێ کەس بە رووداوی هاتوچۆ گیانیان لەدەست دا
964+
هێڤی دێوالی
لەسەر رێگای زێلکان لە سنووری قەزای شێخان رووداوێکی هاتوچۆ رویداوە و سێ کەس گیانیان لەدەستداوە و برینداریش هەیە.
ئەمڕۆ دوشەممە2024.10.7 ، لە سنووری قەزای شێخان لە سەر رێگای سەرەکی زێلکان لەنزیک گوندی بەرازی روداوێکی هاتوچۆ لە نێوان بارهەڵگرێک و پیکابێکی نیسان روویداوە و بەهۆیەوە باوکێک و دوو کوڕی گیانیان لەدەستداوە.
دڵشاد محەمەد وتەبێژی هاتوچۆی قەزای شێخان بە 964ـی وت، رووداوەکە لەنێوان بارهەڵگرێک و پیکابێکی نیسان بووە و سەرنشینانی پیکابەکە دەست بەجێ گیانیان لەدەستداوە.
وتیشی، تەرمەکانیان لە پزیشکی دادی شێخانە و دوای پشکنین رادەستی بنەماڵەکەیان دەکرێنەوە.
پێداچوونەوە: توانا نەقی
