"بۆ خاتری خوایەکەت ئاخر بۆ؟"
ژنێکی کۆیە بە دڵێکی پڕەوە باسی پیسبوونی ژینگەی هەیبەت سوڵتان دەکات
دەریا ئەحمەد – کۆیە
نەشمیل، خانمێکی کۆیی و کارمەندی تەندروستیە ، بەمەبەستی گەشتکردن روودەکاتە ناوچە گەشتیاریەکانی هەیبەت سوڵتان بەڵام ئەوەی دەیبینێت پیسکردنی ژینگەکەیە بۆیە، بۆیە بە دڵێکی پڕەوە باسی شێواندنی ژینگەکە دەکات و دەڵێت،”بۆخاتری خوایەکەتان ئاخر بۆ ئێرەتان والێکردووە؟”
نەشمیل سابر میرە دەڵێت، لە کوردستان سروشتێکی جوانمان هەیە و پێویستە بیپارێزین، براکانم، کوڕەکان کە دێنە ئەم ناوچەیە و گەشتی تێدا دەکەن و کاتی تێدا بەسەر دەبەن دوای خۆتان شوێنەکەتان بەمشێوەیە بەجێمەهێڵن.
ئامۆژگاری هاوڵاتیانیش دەکات کە سەردانی ئەم شوێنانە دەکەن، پاشماوەکانیان کۆبکەنەوە و لەگەڵ خۆیان بیبەنەوە، دەڵێت “ئاخر سەیری ئەم سروشتە جوانە بکە بۆ بەم پاشماوە پیسانە تێکی دەدەیت”.
پێداچوونەوە؛ فەرهاد حەسەن