دوکەڵی ئاگرەکەی بازاڕی قەیسەری _ وێنە: 964
پارێزگای هەولێر:
بەهۆی ئاگرەکەی قەیسەری 132 کەس بریندار بوون
964+
توانا نەقی
ئاماری سووتانی دوکان و کۆگاکان و بریینداربوون بەهۆی ئاگرەکەی بازاڕی قەیسەری هەولێر بڵاوکرایەوە و 132 کەس بریندار بوون.
پارێزگای هەولێر لەسەر ئاگرەکەی دوێنێ شەوی بازاڕی قەیسەری راگەیندراوێکی بڵاوکردەوە و دەڵێت 227 دوکان و 7 کۆگا سووتاون و 132 کەسیش بریندار بوون.
ئاماژەی بەوەشکردووە، 13 کەس لە ئەفەسەر و کارمەندانی بەرگری شارستانی، ئاسایش، پۆلیس، کاسبکار و هاوڵاتی، بریندار بوون و بەشێکیشیان بە هۆی دوکەڵی ئاگرەکەوە تەندروستیان تێکچوو،لە لایەن تیمەکانی تەندروستی لە شوێنی رووداوەکە 117كەسيان چارەسەرکران و 15 كەسى دیکەیان کە پێویست بوون گواسترانەوە بۆ نەخۆشخانەى فریاکەوتن و چارەسەری پێویستیان بۆ وەرگیرا.
دەشڵێت دوای خەمـڵاندی زەرەرو زیانەکان دەستکراوە بە پاککردنەوەی تەواوی بازاڕەکە لە پاشماوەی ئاگر.
لیژنەیەک بۆ لێکۆڵینەوە و بەدواداچوون لە هۆکاری کەوتنەوەی ئاگرەکە و خەمڵاندنى قەبارەی زیانە مادییەکان پێکهێنراوە و بەم نزیکانە دەرەنجامەکانى ئاشکرا دەکرێت، پارێزگای هەولێر وا دەڵێت.
