ئەو جۆری گازۆیەی دەستیبەسەرداگیراوە. وێنە:تەندروستی زاخۆ.
شیاوی خواردن نییە
هۆشداری لەبارەی جۆرێکی گازۆ دەدرێت
964+
فەهمی نەبی
لیژنەیەکی بەڕێوەبەرایەتی خۆپارێزی تەندروستی زاخۆ لەبازاڕی ئەو شارە دەستیانگرتووە بەسەر دوو تۆن چەرەسی جۆری گازۆی کرمێدار و تا فریاکەوتن خاوەنەکەی تۆنێکی لێ فرۆشتبوو.
د.دڵشاد نێروەیی بەڕێوەبەری خۆپارێزی تەندروستی زاخۆ بە 964ی وت، “لە کۆگایەکی زاخۆ دەستمانگرتووە بەسەر دوو تۆن گازۆ کەڵکی خواردنی نەبوو کرم لێیدابوو، بەڵام خاوەنەکەی تۆنێکی لێ فرۆشتبوو، لە دوێنێوە لەبازاڕ بەدوای ئەو گازۆیە فرۆشراوەین و 600 کیلۆگرامی لەبازاڕ کێشراوەتەوە”.
“ئەو جۆری گازۆیە لە ڤێتنامەوە هێنراوە، کۆدی 320ی لەسەر بوو، لەناو رۆن سوورکراوەتەوە، خاوەنەکەی وتویەتی لە موسڵەوە هێناویەتی، بەڵام کە پشکنینی بۆکرا دەرکەوت کرمێ لێیداوە”د.دڵشاد نێروەیی وای وت.
لیژنەکەی بەڕێوەبەرایەتی خۆپارێزی تەندروستی زاخۆ ئەو گازۆییەیان لەناوبردووە.
