دیمهنێكی بازاڕه میللییهكهى چوارقوڕنه... وێنه: راگهیاندنى شاره‌وانى چوارقوڕنه
شاره‌وانى: كار بۆ رێكخستنه‌وه‌یان ده‌كه‌ین
به‌دواچوون بۆ كێشه و گرفته‌كانی بازاره میللیه‌كه‌ى چوارقوڕنه ده‌كرێت
964+
فه‌رهاد حه‌سه‌ن
شاره‌وانى چوارقوڕنه ده‌ڵێت، سه‌ردانى بازاڕه میللیه‌كه‌ى ناحیه‌كه‌یان كردووه و كار بۆ چاره‌سه‌ركردنى كێشه‌و گرفته‌كانیان ده‌كه‌ن.
بازاڕه میللیه‌كه‌ى چوارقوڕنه به‌بازاڕى شاره‌وانى ناسراوه و له‌لایه‌ن كه‌رتى تایبه‌ته‌وه دروستكراوه و نزیكه‌ى 140 دوكان و 200 عاره‌بانچی لێیه.
حه‌سه‌ن زرار، سه‌رۆكی شاره‌وانی چوارقوڕنه به 964ـى راگه‌یاند، سه‌ردانى بازاڕه‌كه‌یان كردووه بۆ ئه‌وه‌ى بزانن كێشه‌و گرفتیان چییه.
وتیشی “قیڕتاوكردن و ئاو و كاره‌با له‌كێشه سه‌ره‌كییه‌كه‌یانن و له‌هه‌فته‌ى دادێ كار بۆ چاره‌سه‌ركردنیان ده‌كه‌ین”.
ئاماژه‌ى به‌وه‌شكرد، دواى رێكخستنه‌وه‌یان و نه‌هێشتنی دیارده‌ی زیاده‌رۆیی، گرێبه‌ست بۆ ته‌واوى خاوه‌ن دوكانه‌كان ده‌كرێت، چونكه ده‌ڵێت “ئه‌م بازاڕه ناوه‌ندێكی گرنگی كاسبكاران و هاوڵاتیانه”.
