دیمەنی دانانەوەی تەوافەکانی بەنداوی دەربەندیخان.وێنە: بەنداوی دەربەندیخان
تایبەتمەندیەکانی چیین؟
تەوافەکانی بەنداوی دەربەندیخان بەسترانەوە
964+
توانا نەقی
تەوافەکانی بەنداوی دەربەندیخان بەیەکەوە بەسترانەوە، کە چەند ساڵێکە بەهۆی رەشەباوە پچڕابوون و ئەو تەوافانە رێگری لە تێپەڕبوونی هەر شمەک و کەرەستەیەک دەکات کە مەترسی لەسەر بەنداوەکە دروستبکات.
هەموو بەنداوێک ئەو جۆرە تەوافانەی هەیە، بەڵام تەوافەکانی بەنداوی دەربەندیخان تایبەتمەندی خۆی هەیە و لە ئاسن دروستکراوە و بەشێوەی تۆڕ 30 مەتر بە قوڵایی ئاوەکە بەستراوە.
سامان ئیسماعیل بەڕێوەبەری بەنداوی دەربەندیخان بە 964ـی وت، ئێستا تەوافەکان بەستراونەتەوە، بەڵام هێشتا کاری کۆتایی ماوە و خەریکین.
وتیشی، تەوافەکان لەلایەن حکومەتی عێراقی و لە سەردەمی رژێمی پێشوو دروستکراوە بە رێکاری عەسکەری تووند بۆ پارێزگاری لە هەر هێرشێک بۆسەر بەنداوەکە.
تەوافەکان 500 بۆ 600 مەتر لە پردی بەنداوەکەوە دوورە و یەکێکی تر لە تایبەتمەندییەکانی بەهۆی ئەو تۆڕەی بە قوڵایی 30 مەتر لە ئاوەکەدایە رێگری دەکات لە هەر پیسی و پاشماوەیەک نزیک ببێتەوە لە بەنداوەکە، بەڕێوەبەری بەنداوی دەربەندیخان وای وت.
ئەگەر بە تەواوەتی چاکبکرێتەوە بەورێکارە پێویستیانەی کە هەیە دانانەوەی ئەو تەوافانە نزیکەی 600 ملیۆن دیناری تێدەچیت.
