لە رووداوێکی هاتوچۆدا دوو کەس گیانیان لەدەستدا
964+
سیروان خورشید – دوزخورماتوو
لە رووداوێکی هاتوچۆدا لە سەر رێگای دوزخورماتوو بۆ کفری و نزیک ناحیەی سلێمان بەگ دوو کەس گیانیان لەدەستداو شەش کەسیش بریندار بوون.
رووداوەکە لە نێوان دوو ئۆتۆمبێلی جۆری هیواندای ئەلەنترا و دۆج بووە.
هێمن علی هاوڵاتیەک کە لەنزیک رووداوەکە بووە بە 964ی وت، رووداوەکە لە نزیک گوندی قوری چایی بووە لە سنوری سلێمان بەگی سەر رێگای دوزخورماتوو – کفری.
وتیشی، بەھۆی تیژڕەوی هەردوو شۆفێرەکەوە بووە، بەهۆیەوە خاوەنی هەردو شۆفێرەکە دەست بەجێ گیانیان لەدەستداوەو شەش هاوڵاتی تریش برینداربوون، سەرجەم قوربانییەکان رەوانەی نەخۆشخانەی گشتی خورماتوو کراون.
پێداچوونەوە: توانا نەقی