قایمقامیەتی رانیە سزای دوو مارکێت دەدات و یەکێکی تر ئاگاداردەکاتەوە
964+
پەری ساڵح
لەژێر دروشمی “تەندروستیی هاوڵاتیان ئامانجمانە”، لیژنە هاوبەشەکانی قایمقامیەتی قەزای رانیە بەردەوامن لە هەڵمەتەکانی گەڕان و پشکنین بۆ بازاڕ و شوێنە گشتییەکان، بە مەبەستی چاودێریکردنی مۆڵەتەکان، مەرجەکانی تەندروستی و بەرگریی شارستانی، پاکوخاوێنی و جێبەجێکردنی رێنماییەکان.
لە ئاکامی پشکنینەکانی ئەمڕۆدا:
دوکانی محمد: بەهۆی هەبوونی مەوادی ماوەبەسەرچوو و رەچاوۆنەکردنی مەرجەکانی بەرگریی شارستانی، غەرامە کرا.
مارکێتی فامیلی: بەهۆی هەبوونی مەوادی ماوەبەسەرچوو و بوونی پاشەڕۆی قرتێنەرەکان (موشک و جرج)، غەرامە کرا.
فرۆشگای هاوبەش: بەهۆی دانانی مەوادی خۆراکی لەبەر تیشکی راستەوخۆی خۆر، ئاگادارکرایەوە.
قائمقامیەتی رانیە جەخت دەکاتەوە لە جێبەجێکردنی رێکارە یاساییەکان بەرامبەر سەرپێچیکاران و داواش لە هاوڵاتیان دەکات لە کاتی بوونی هەر سکاڵا یان گومانێکدا، پەیوەندی بە ژمارە موبایلی (07708593000) بکەن.
