هاوڵاتییەک لە یەکێک لە بنکەکانی کۆمیسیۆنی هەڵبژاردن تۆماری دەنگدانەکەی نوێ دەکاتەوە - فۆتۆ: میدیاکان
ژمارەی دەنگدەری نوێ و تۆماری نوێکراوە گەیشتە 152 هەزار
964+
هاوبەش ئەبوبەکر
لە هەرێمی کوردستان زیاتر لە 152 هەزار کەس، کە بەشێکیان لەدایکبووی ساڵی 2005ـن و بۆ ئەمساڵ شمولی دەنگدان دەکەن، کارتی دەنگدانیان پێدراوە و نوێیانکردووەتەوە.
ئەمڕۆ یەکشەممە 20.8.2023، کۆمیسیۆنى سەربەخۆى هەڵبژاردنەکانى عێراق رایگەیاند، لەدوای درێژکردنەوەی ئەو وادەیە کە بۆ نوێکردنەوەی تۆماری دەنگدان دانرابوو، ژمارەی ئەو کەسانەی کە کارتی دەنگدانیان نوێکردووەتەوە لە هەرێمی کوردستان گەیشتە 152 هەزار و 274 دەنگدەر.
تاوەکو ئێستا لە سەرتاسەری عێراق، 942 هەزار و 406 دەنگدەری نوێ کارتی دەنگدانیان پێدراوە و تۆمارەکانیان نوێکردووەتەوە.
تەنها ئەوانەى لە ساڵى 2005ـدا لەدایکبوون و کارتى دەنگدانیان دەرهێناوە لە 99 هەزار کەس زیاترن و نزیکەی 20 هەزاریان لە هەرێمی کوردستانن.