دەبێت بە زەبری پارە بەخێویان بکەن
سووتانی پوش و پاوان زیانی بە ئاژەڵدارانی شارباژێڕ گەیاندووە
964+
ئەحمەد محەمەد
بەهۆی سووتانی ئەو پوش و پاوان و دەوەنەی لە بەشێک لە گوندەکانی شارباژێر لە ناوچوون، زیان بەر مەڕدار و ئاڵدارانی ئەو گوندانە کەوتووە و دەڵێن بە زەبری پارە دەبێت بەخێویان بکەن.
بەهزاد عەبدوڵا ئاژەڵدارە و بە 964ـی وت، بوهۆی سووتانی ئەو دار و دەوەنەی شاخی كوێرهەنگی شارباژێڕ ناچارین ئەمساڵ ئاژەڵەكانمان بەزەبری پارە بەخێو بكەین.
دەشڵێت، یان دەبێت مەڕوماڵات ببەینە گوندەکانی دیکە یان بە پارە ئالیک بکڕین و بەخێویان بکەن، ئەمەش زیانێکی زۆرە لە مەڕدارانی سنورەکە کەوتووە.
پێداچوونەوە: توانا نەقی