ئامادەییە پیشەییەکەی شارباژێڕ کێشەی ئاو و کارەباشی نەما

پێشەوا محەمەد

بینای ئامادەیی پیشەیی بابان لە شارباژێڕ کێشەی ئاو و کارەباکەی چارەسەر کرا، کە پێشتر دوو کێشەی سەرەکی بوون.

ئامادەییەکە بۆ زانستی کۆمپیوتەرە و بۆ ساڵی خوێندنی 2023 – 2024  بۆ یەکەمجار قوتابی وەردەگرێت.

لەتیف حسێن، بەڕێوەبەری پەروەردەی شارباژێر بە 964ـی راگەیاند، پێشتر بیناکە هی بەڕێوەبەرایەتیی کشتوکاڵ و پاراستنی خۆراک بووە و بەکارنەهاتووە، “ئێمە داوامان کرد بەشێوەیەکی کاتی پێمان بدرێت و وەرمانگرتووە”.

وتیشی، “ئاو و کارەباکەی دوو کێشەی سەرەکی باڵەخانەکە بوون، بەڵام بە هەوڵی هەموو لایەک چارەسەر کراوە و لەگەڵ یەکەم زەنگی خوێندنی ئەمساڵدا ئەو پەیمانگایەش دەکرێتەوە”.