راهێنان بە کارمەند و خزمەتگوزاری هۆتێلەکانی سلێمانی دەکرێت

964+

پێشەوا محەمەد – سلێمانی

لە شاری سلێمانی راهێنان بە کارمەند، خزمەتگوزار و خاوەن هۆتێلکان دەکرێت و مەبەست لێی باشتر پێشوازیکردنە لە گەشتیاران.

راهێنانەکە لە لایەن بەڕێوەبەرایەتی گەشتوگوزاری سلێمانیەوە ئەنجام دەدرێت.

لە ناو شاری سلێمانی 250  هۆتێل، مۆتێل و گوندی گەشتیاری بوونیان هەیە.

ئارام شوانی، وتەبێژی گەشتوگوزاری سلێمانی بە 964ی راگەیاند، ئێستا وەرزی گەشتیارە و دەمانەوێت پێشوازی باشیان لێبکرێت و ئەو جۆرە دەورانەش بەردەوامی پێدەدەین.

بە پێی ئاماری بەڕێوەبەرایەتییەکە، لە سەرەتای ئەمساڵەوە زیاتر لە 600 هەزار گەشتیار هاتوونەتە پارێزگای سلێمانی.