دوای ڤیدیۆیەکی 964
باخچەکانی سلێمانی سەرقاڵی پاکردنەوەی نافورەکەی سەران
964+
دیلان محەمەد جەزا – سلێمانی
دوای بڵاوبوونەوەی ئیشێکی 964 لەسەر کوژانەوەی نافورەکەی بەردەرکی سەرای سلێمانی و پیسکردنی، ئەمڕۆ بەڕێوەبەرایەتی باخچەکانی سلێمانی کێشەکەی چارەسەر کرد و دەستیان کرد بە پاککردنەوەی.
دالیا عەلی سەرپەرشتیاری باخچەکانی بەر دەرکی سەرا بە 964ـی وت، هەرچەندە مانگانە نافورەکە پاک دەکەنەوە بەڵام دوای ڤیدیۆکەی ئێوە ئەمڕۆ دەست کراوە بە پاککردنەوە و هەر ئەمڕۆش ئاوی تێدەکەن.
وتیشی، هاوڵاتیان هاوکاریان نین و دەپە و پاشماوە دەخەنە ئاوەکەوە ئەوەش هەم بۆ پاککردنەوە زەحمەتییە و هەمیش کاریگەری دەکاتە سەر پیس بوونی ئاوەکە ئەوان ئاوی نافورەکە بۆ ئاودانی باخەکانیش بەکار دەهێنن.
پێداچوونەوە: توانا نەقی