ئاوارەیی نەیتوانیوە سۆزی تەمبوور لە رۆحیدا بسڕێتەوە

کاوە عومەر

دوو برای شنگالی لە کەمپی بێرسڤ لە زاخۆ تەنانەت ئاوارەییش نەیتوانیوە سۆزی تەمبوور و دروستکردنی ئەو ئامێرە لە رۆحیاندا بسڕێتەوە.

عەباس ئەلیاس و ئیسماعیل ئەلیاس ئەو دوو برایەن، کە بە قسەی خۆیان هەر لە سەرەتای ئاوارەبوونیانەوە لە کەمپەکەی زاخۆ دەستیان لە پیشەکەیان بەرنەداوە.

بە تەمبوورەکەی خۆیان دەڵێن “تەمبووری شنگالی” و باس لەوە دەکەن شێوازی دروستکردنی جیاوازە و دەنگێکی تایبەتی هەیە.

ئەوان تەمبوورەکانیان لە داری گوێز و قەیسی و توو دروست دەکەن.