تونێلی دەربەندیخان بۆ ماوەیەکی کاتی دادەخرێت

کاکەلاو عەبدوڵا

بەڕێوەبەری هاتوچۆی دەربەندیخان هۆشداری بە شۆفێرانی سنووری قەزاکە دەدات کە تونێلی دەربەندیخان بەمەبەستی پاککردنەوە بۆ ماوەی چوار کاتژمێر دادەخرێت.

جاسم محەممەد، بەرێوەبەری هاتوچۆی دەربەندیخان رایگەیاند، لە کاتژمێر 12:00ـی شەو بۆ کاتژمێر 4:00ـی بەرەبەیانی 30-09-2026 تونێلی دەربەندیخان بەمەبەستی پاککردنەوە دادەخرێت و هۆشداری بە شۆفێرانی سنوورەکە دەدات کە رێگای تونێلەکە بەکارنەهێنن.

بەڕێوەبەرایەتی هاتوچۆی دەربەندیخان ماوە ماوە تونێلەکە بەمەبەستی پاککردنەوە و خزمەتگوزاری دیکە دادەخات و لەحاڵەتی داخستنی تونێلەکەدا شۆفێران دەتوانن رێگای بەرانان بۆ ئۆتۆمبێلی بچووک و رێگای ناوتاق بۆ ئۆتۆمبێلی بارهەڵگر بەکاربهێنن.