لە کوێستان و ناوچە شاخاوییەکان بارانێکی کەم دەبارێت

شۆڕش قادری

لە کوێستان و ناوچە شاخاوییەکان بارانێکی کەم دەبارێت، بەڵام گەرماکە وەک خۆی دەمێنێتەوە و بگرە لە هەندێک شوێن بەتینتریش دەبێت.

وەک کەشناسی کوردستان پێشبینی کردووە، ئەمڕۆ شەممە 5.9.2026 ئاسمان بە گشتی ساماڵ و پەڵە هەور دەبێت، هەندێک کات خێرایی با زیاد دەکات بەڵام لە تینی گەرماکە ناشکێنێت.

بۆ سبەی یەکشەممەش کەشەکە تاڕادەیەکی زۆر هەروەک ئەمڕۆ دەبێت، بەڵام لە ئێوارەدا و لە هەندێک شوێن بەتایبەتیش لە ناوچە شاخاوییەکانی سنووری پارێزگای دهۆک نمەبارانێک دەبارێت.

گەرماش لە زۆربەی ناوچەکانی کوردستان لە دەورووبەری 40 پلەدا دەبێت و لە گەرمیانیش 44 پلەی سیلیزی تۆمار دەکرێت.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ؛

هەولێر: 40 پلەی سیلیزی

پیرمام: 37 پلەی سیلیزی

سلێمانی: 38 پلەی سیلیزی

چەمچەماڵ: 40 پلەی سیلیزی

دهۆک: 39 پلەی سیلیزی

زاخۆ: 40 پلەی سیلیزی

هەڵەبجە: 40 پلەی سیلیزی

حاجی ئۆمەران: 28 پلەی سیلیزی

گەرمیان: 43 پلەی سیلیزی