نێچیرڤان بارزانی سەرۆکی هەرێمی کوردستان – وێنە؛ سەرۆکایەتی هەرێمی کوردستان
پێکهێنانی حکومەتی نوێ
سبەی سەرۆکی هەرێمی کوردستان دەچێتە بەغدا
ئەرسەلان عەبدوڵا
سەرچاوەیەکی سیاسی ئاشکرای کرد، سبەی سەرۆکی هەرێمی کوردستان نێچیرڤان بارزانی سەردانی بەغدا دەکات.
بەپێی سەرچاوەکە، کە ناوی نەهاتووە و بە ئاژانسی هەواڵی عێراقی راگەیاندووە، سەرۆکی هەرێم گفتوگۆی لەگەڵ سەرکردەی لایەنەکانی ناو چوارچێوەی هەماهەنگی دەبێت.
هەروەها ئاماژە بەوەکراوە، گفتوگۆیەکانی سەرۆکی هەرێم لە بەغدا پەیوەست دەبێت بە پێکهێنانی حکومەتی نوێی عێراق و ئەنجامی ئەو کۆبوونەوانەی دوێنێ سەرۆک وەزیرانی راسپێردراو عەلی زەیدی لە کوردستان ئەنجامی دا.
سەرۆکی وەزیرانی راسپێردراوی عێراق دوێنێ لە هەولێر و سلێمانی گفتوگۆی لەگەڵ لایەنە سیاسییەکان کرد سەبارەت بە پێکهێنانی کابینەی نوێی حکومەت.