محاویلەیەکیش بەرکەوت
رەشەباکە بێ زیان نەبوون؛ دیوارێکى رووخاند و 4 ئۆتۆمبێل کەوتنە ژێرەوە
964+
ئەحمەد شەمزین
بەهۆى رەشەباکەى شەوى رابردووى شارى هەولێر، لە گەڕەکى بەهارى نوێ، دیوارێک رووخا و چوار ئۆتۆمبێل کەوتنە ژێرەوە.
ئیبراهیم جەلال کە دانیشتووى گەڕەکەکە و شایەدحاڵى رووداوەکەیە بە 964ـى وت،”دواى کاتژمێر 2ـى بەرەبەیانى، رەشەباکە دەستیپێکرد، دواتر دیوارى بەنزینخانەکە رووخا و چوار ئۆتۆمبێل کەوتنە ژێرەوە”.
بەوتەى ئیبراهیم، دوو لە ئۆتۆمبێلەکان زیانى زۆریان پێگەشتووە و دوو ئۆتۆمبێل کەمتر، بەڵام جگە لە ئۆتۆمبێلەکان، محاویلەیەکى کارەباش کەوتووەتە ژێرەوە و بەربووەتەوە.
ئاشکراشى کرد، ئەوە جارى یەکەم نییە و پێشتریش جارێکى تر دیوارى ئەو بەنزینخانەیە رووخاوە.
پێداچوونەوە: وریا فەتاح
