لۆگۆی ئاسایشی هەولێر
راگەیاندراوی بڵاوکردەوە
ئاسایشی هەولێر پەیامی بۆ هاوڵاتیان و میدیاکان هەیە
+964
ئەرسەلان عەبدوڵا
بەڕێوەبەرایەتیی ئاسایشی هەولێر، ئەمڕۆ پێنجشەممە 5.3.2026 راگەیاندراوێکی بڵاوکردەوە، کە دەقەکەی بەم جۆرەیە:
بۆ سەرجەم کەناڵەکانی راگەیاندن و هاوڵاتیانی خۆشەویست:
١- لە پێناو پاراستنی ئاسایش و ڕێکخستنی کارەکانی تیمە تایبەتمەندەکان لە شوێنی ڕووداوەکان، پێویستە سەرجەم کەناڵەکانی ڕاگەیاندن بە بەرپرسیارێتییەوە مامەڵە لەگەڵ بارودۆخەکە بکەن و لە ڕووماڵکردنی شوێنی ڕووداوەکان خۆیان بپارێزن، هەتاوەکو بە شێوەیەکی فەرمی ڕێگەپێدان و ڕەزامەندی بە بڵاوکردنەوەی زانیارییەکان دەدرێت.
٢- هەروەها لە پێناو پاراستنی ئاسایشی نیشتمانی، داوا لە هاوڵاتیانی خۆشەویست دەکەین گرتەڤیدیۆ یان وێنەی شوێنی ڕووداوەکان تۆمار نەکەن و بڵاویان نەکەنەوە.
سوپاسی هاوڵاتیان دەکەین کە هەمیشە هاوکارمانن لە پێدانی زانیاری.
بەڕێوەبەرایەتی ئاسایشی هەولێر
٥ی ئازاری٢٠٢٦
