سێ رۆژه‌ نرخی نه‌وت له‌ به‌رزبوونه‌وه‌دایه‌

ئه‌رسه‌لان عه‌بدوڵا

ئەمڕۆ سێشەممە 3.3.2026 نرخی نەوت بۆ سێیەم رۆژ لەسەریەک بەرزبووەوە، ئەمەش لەکاتێکدایە نیگەرانییەکان لەسەر ئەگەری پچڕانی دابینکردنی پێداویستییەکانی رۆژهەڵاتی ناوەڕاست بەهۆی پەرەسەندنی ململانێی ئەمریکا و ئیسرائیل لەگەڵ ئێران و هەڕەشەکان بۆ سەر هاتوچۆی دەریایی لە رێگەی گەرووی هورمزەوە زیادی کردووه‌.

تا کاتژمێر 01:07 به کاتی گرێنچ به‌رمیلێک نه‌وتی خاوی برێنت به 78 دۆلار و 83 سه نت بوو، به رێژه‌ی 1.10 سه‌نت و %1.4 به‌رزبووه‌وه‌.

هه‌روه‌ها نرخی نەوتی سووکی تەکساسی ئەمریکاش 74 سەنت بەرزبووەوە و بە 71 دۆلار و 97 سەنت مامەڵەی پێوەکرا.

لە كردنه‌وه‌ی پێشووی بۆڕسه‌دا، نەوتی خاو بۆ 82.37 دۆلار بەرزبووەوە، کە بەرزترین ئاستی بوو لە دوای مانگی یەکی ساڵی 2015ەوە، بەڵام ئەو قازانجانەی کەمکردەوە و بە رێژەی 6.7% جێگیر بوون.