مەزڵوم عەبدی داوای لێبوردنی لە رەوەندی كوردی لە ئەوروپا كرد

فەرهاد حەسەن

هەروەك بڕیار بوو، مەزڵوم عەبدی فەرماندەی گشتنی هێزەكانی سوریای دیموكرات كۆبوونەوەیەكی فراوان لە گەڵ رەوەندی كوردی لە ئەوڕوپا رێكبخات و لە نزیكەوە قسە و باس و هەڵوێست و پێشهاتەكانیان بۆ روونبكاتەوە، بەڵام وەكوە خۆی دەڵێت، لەبەر هەندێك هۆكار نەتوانرا ئەم كۆبوونەوەی رێكبخرێت و “داوای لێبوردنتان لێدەكەم”.

لە پەیامێكی ڤیدیۆییدا، مەزڵوم عەبدی داوای لێبوردن لە رەوەندی كوردی ئەوڕوپا دەكات و دەڵێت “هۆكاری رێكنەخرانی كۆبوونەوەكە لە دەرەوەی ئێرادەی ئێمەوە بوو بۆیە نەمانتوانی كۆبوونەوەكە رێكبخەین”.

سوپاس هەڵوێست و پشتگیرییەكانی رەوەندی كوردی و تەواوی كوردستانیانی كرد بۆ رۆژئاوای كوردستان و هێزەكانی (هەسەدە) كە ئەمە بووە هۆی ئەوەی ئاگربەست بێتە دی وتیشی “ئەم هەڵوێست و پشتگیرییەی ئێوە گرنگ و پڕ بایەخە تا بگەین بە سەركەوتن”.